Москва тврди дека украинските војници се опколени во руската област Курск, но Украина ја негира оваа информација. Американскиот претседател Доналд Трамп побара од рускиот претседател Владимир Путин да им ги поштеди животите на наводно опколените украински војници, изразувајќи загриженост за нивната судбина.
Трамп напиша на социјалната мрежа Truth Social дека илјадници украински војници се наоѓаат во опасност, опкружени од руската армија и се во многу тешка и ранлива ситуација. Тој апелираше до Путин да постапи со сочувство и да ги спаси животите на овие војници, изразувајќи се за потенцијален масакр каков што не е виден од Втората светска војна. Трамп не откри точно дали се однесува на разговорите што ги водеше американскиот пратеник Стив Виткоф со Путин во Москва или тој сам ќе разговара со рускиот лидер.
Украина, од друга страна, ги демантираше руските тврдења, истакнувајќи дека нивните сили не се опколени и дека ќе се повлечат на подобри позиции.
Во меѓувреме, Трамп истакна дека постои голема шанса за завршување на оваа ужасна и крвава војна. За време на посетата на Виткоф во Москва, беше дискутирано за предлогот на САД за прекин на огнот од 30 дена во текот на руската агресија во Украина. Портпаролот на Кремљ, Дмитриј Песков, изјави дека Путин испратил сигнали до Трамп преку Виткоф и ја поддржал идејата за договор, но нагласи дека некои прашања се уште не се решени и треба да се одговори на нив.
Песков додаде дека Путин изразил солидарност со ставовите на Трамп, но дека сеуште е на чекање и треба да се продолжи со разговорите. Виткоф ќе го извести Трамп и потоа ќе следи телефонски разговор меѓу двајцата лидери.